المقابلة ونصائح قبل السفر تجهيز cv مهندس او طبيب او اى تخصص

إقرأ هذه المعلومات المهمة قبل متروح تعمل أي مقابلة في شركة سفريات للخارج 

اللي قرر بإذن الله يسافر للعمل خارج مصر قبل ميعمل أي حاجة يقرأ هذه السطور المهمة

  

******هــام جدا جدا جدا جدا يرجى القراءة لآخر السطر******

بالنسبة للي ربنا كرمه ورايح مقابلة أو إتقبل بدون مقابلة من مكاتب التوظيف والسفريات لإلحاق العمالة بالخارج التي موجودة في جمهورية مصر العربية

::: تنبيه :::

مفيش حاجة اسمها شركات توظيف أو سفريات معتمدة في مصر .. كل الشركات تحتمل الصواب وتحتمل الخطأ خد بالك من ده جدا .. والمعلومات والنصائح دي لأي حد رايح مقابلة في أي شركة توظيف أو سفريات في مدن جمهورية مصر العربية جميعا ..
ونسألكم الدعاء

إذا قبلوك بفضل الله بدون مقابلة شخصية أو إتقبلت في المقابلة الشخصية اللي رحتها بفضل الله .. واتصلو بيك عشان تجهز ورقك للسفر .. هتعمل ورق النت ب 200 جنيه وبعدين يودوك تعمل تحليل دم في المعمل وتدفع 120 جنيه وتروح بعدها مركز جامكا عند قسم قصر النيل ويختارولك مستشفى خاص تكشف فيها وتدفع 375 جنيه تقريبا وبعدها لو لاقدر الله طلع في الكشف حاجة هيتصلو بيك بعد يومين وبعدين تروح مكتب التوظيف وتديلهم فيش تشبيه موجه الى الدولة اللي رايحها وهايخدو منك المؤهل عشان هيوثقوه عند الممثلية السعودية وتدفع 150 جنيه ولازم يكون المؤهل متوثق من الخارجية المصرية قبل كده وشهادة الخبرة كذلك ومتدفعش فلوس في الوقت ده وهياخدو منك جواز سفرك عشان يحطو عليه التأشيرة ولازم تكون مسمى الفيزا اللي جيالك مطابقة للمؤهل اللي معاك عشان متتعبش ومتتبهدلش يعني مؤهلك طبيب يبقى مسمى الفيزا طبيب .. مؤهلك آداب جغرافيا شعبة مساحة يبقى مسمى الفيزا مساح .. والا هتقع في مشاكل وجوازك يترفض من القنصلية السعودية بسبب عدم مطابقة المؤهل لمسمى التأشيرة وبعدين يقولك لو لاقدر الله حصل كده هخلصهالك وتدفعلي 4000 جنيه وكده !! فلازم عشان متقعش في الحوسة الكبيرة دي لازم يكون مؤهلك مطابق لمسمى التأشيرة .. والتأشيرة بتزل على الجواز خلال 10 ايام تقريبا يعني وبعدها تدفع عمولة المكتب وهيا بتكون مرتب شهر اللي هتاخده في الدولة اللي هتشتغل فيها .. نصيحة متدفعش فلوس إلا لما التأشيرة تنزل على الجواز ولازم تساومه لحد مينزل ثمن العمولة ومتدفعش كده وخلاص أوك يا بشمهندسين

نصائح التعاقد للمهندسين الجدد وأي مهنة أخرى فى السعودية))) .. منقول)))

أنا لاقيت بوستات كتير بتسأل عن موضوع العقود و الاتفاقيات فى العروض اللى بتيجى للناس اللى أول مره تيجى السعوديه و خصوصا المهندسين , و عشان كده انا قولت اقول شوية نصايح للناس عشان تكون فاهمه راسها من رجليها و تقدر تقرر على حسب ظروفها :

 1- أنا مهندس خريج 2011 , و شغال فى شركه اقل من المتوسط , و ده بسبب ان الانترفيو حصل فيها تدليس و غش كتير .

2 -مكاتب السفر كل همها الفلوس اللى هتاخدها منك , و احيانا من الكفيل , فمش فارق معاها مصلحتك ايه 

أفضل المدن من حيث العمل هى جدة , الدمام , الرياض ... والله أعلى وأعلم -3

4- أي وعود مش مسجله فى عقود اعرف انها مش هتتنفذ , العقد لازم يكون فيها كل حاجه هتتفق عليها بلا استثناء , و يكون مسجل من الغرفه التجارية السعودية - على حسب مدينة عملك - , لان غير كده مكتب العمل مبيعترفش باى حاجه , حتى لو عقد ممضى عليه من الطرفين بس مش مسجل .

5- وانت فى مصر عندك الفرصه تحط كل شروطك , لما توصل السعودية اللى اتفقت عليه و اتكتب فى العقد هو اللى هيتنفذ , اى حاجه غير كده ابقى قابلنى .

6- بالنسبه للمهندسين من حديث التخرج لحد خبره سنتين , متقبلش ابدا باقل من 5 الاف ريال صافى راتب غير سكن و سياره يكونو مكتوبين صراحة فى العقد , اما لو هيديك راتب Full package متقبلش اقل من 7 الاف ريال , و على فكره هما دلوقتى بيحاولو يستغلوا الظروف و يخلوا الراتب 3500 و لو Full package بيحاولو يخلوه 5 الاف بس و يحملوك مصاريف الاقامه و النقابه و دى حوالى 5 الاف سنويا يعنى مرتب شهر .

7- قبل ما تيجى لازم تتاكد ان الكفيل مش نطاق احمر او اصفر , لانه لو فى النطاقين دول مفيش اقامه هتطلع و لا اى حاجه و هتدخل فى حوارات مالهاش اى تلاتين لازمه

8- تذاكر الطيران و رسوم الاقامه و التأمينات و كل المصاريف ليها علاقه بالحكومة السعودية على حساب الشركة او الكفيل , لو حاول يحملهالك ارفض و قوله قانونكم بيقول ان المصاريف بالكامل عليك - الجوازات , التأمين الصحى , رخصة السيارة , الاقامه , رسوم التجديد السنوية , اى مصاريف اخرى مستحدثه - و يتكتب الكلام ده صراحة فى العقد .

9- اللى يقدملك عرض و يقولك هو ده العقد و دى فورم ثابت و بعد كده هنتفق و هنغير و بتاع متصدقوش .... ده كداب وش !!

10- اى زيادات راتب تتسجل فى العقد , اللى يقولك فى نظام نقط و تميز و زيادات ثابته تبع لائحه الشركة .... ده كداب وش !!

------------------------------ ------------------------------ -------------------

نصائح عامة لمن يبحث عن فرص عمل بالخارج (منقول) معلومة عن السفر

  معلومة عن السفر :: ((1)) المفروض ان مفيش حاجة اسمها فلوس بتدفعها للمكتب او تمن العقد او كدة عشان المفروض الشركة الخليجية بتدفع اتعاب للمكتب مقابل توفير العمالة - لكن المكاتب اللى عندنا بتبلطج عالناس وبتاخد منهم اتاوة سعات بتبقى فى المعقول وسعات بتبقى مبالغ فيها - عالعموم فيه نسبة معترف بيها هى 2.5% من قيمة العقد. 

  معلومة عن السفر :: ((2)) الحاجة الغتتة ان الشركات الغير محترمة من بعد الثورة بقت بتصطاد فى المية العكرة وبقت بتنزل تقول مرتبات ضعيفة جدا لا تتناسب مع المعيشة فى الخليج يادوب تبقى عايش مش مسافر عشان تعمل فلوس - للاسف ده واقع وظروفنا وصلتنا لكدة بس حاولوا تماينوا الامور يعنى مترخصش نفسك انك تسافر تشحت ولو المرتب معقول تقدر توفر منه حاجة معقولة تتناسب معاك ممكن تمشى الامور  

 معلومة عن السفر :: ((3)) مهم جدا لما يجيلك عرض تحاول تتواصل مع اى حد ثقة بالنسبة ليك عايش فى نفس مدينة الشركة وتساله عن تفاصيل المعيشة فى المدينة دى من حيث اسعار المواصلات وايجارات المسكن وتكاليف المكالمات والنت وباقى التكاليف المعيشية لان كل مدينة فى الخليج ليها استايل مختلف ففيه مرتبات ممكن تبقى تحفة فى مدينة زى القصيم ويبقى نفس المرتب زبالة فى مدينة زى جدة 

معلومة عن السفر :: ((4)) اعرف ان السفر دايما بيفضل زى الادمان وهتسافر كبير هتفضل طول عمرك كبير وهتسافر صغير هتفضل طول عمرك صغير فمتحاولش تسافر على حاجة تعبانة وتقول مؤقتا لان ممكن مؤقتا دى تضيع فيها سنتين من حياتك اللى هو تمن العقد

معلومة عن السفر :: ((5)) محدش يضحك عليك بمرتب تعبان لمجرد تبقى مقيم فى مكة او المدينة او جدة ويقولك هتبقى جنب الحرم وتلاقيك بتاخد نص مرتب زميلك اللى فى الرياض - الموضوع مش بيتقاس كدة فيه ناس بينهم وبين الحرم مش بيعملوا عمرة الا كل سنة مرة ويمكن محجوش وبقالهم عشرين سنة فى جدة وفيه ناس فى اماكن بعيدة تلاقيهم كل اسبوعين رايحين - هذه نكرة وهذه نكرة

معلومة عن السفر :: ((6)) الراتب فى الخليج وخاصة السعودية بيتحسب كدة للمتزوجين ,,, راتب اساسى + بدل مواصلات 10% او توفير سيارة + بدل سكن 3 شهور من الراتب الاساسى + تذكرة طيران سنوية لك وللزوجة + تامين طبى لك وللزوجة - ده اقل حاجة عشان تعيش عيشة ادمية

معلومة عن السفر :: ((7)) لما حد يقولك مثلا مرتب 2000 ريال متحولوش مصرى وتبدا تحسب مصاريفك - لاء احسب عالريال وشوف هتصرف كام على حسب المعلومات اللى هتعرفها وبعدين الباقى حوله بالجنيه

معلومة عن السفر :: ((8)) اوعى الراجل يضحك عليك ويعرض عليك مرتب ضعيف مثلا الف ريال ويقولك فيه 10 بره ممكن ياخدوا المرتب ده - مش معنى ان فيه 10 بيبعوا نفسهم انك تبيع نفسك كمان

معلومة عن السفر :: ((9)) متتعشمش فى حد اوى فى السفر - لما تسافر هتتصدم كتير وهتلاقى ناس معندهمش لا قلب ولا دم

معلومة عن السفر :: ((10)) يقولك راتب 1500 مثلا وفى اضافى 3 ساعات فى اليوم .. ملكش دعوة بالكلام ده وخليك بالرقم اللى هيتكتب فى العقد .. ممكن تيجي على مشروع مدته 6 شهور وبعد ما يخلص هتلاقى نفسك بالراتب اللى طلعة عليه وكل عام وانتم بخير

معلومة عن السفر :: ((11)) متتوقعش انك هتسافر وانت صغير تاخد مرتب خلال سنوات قليلة تجيب شقة تمليك وعربية وتجهزها وتتجوز ومثلا يبقى عندك 35 سنة معاك فلوس كتيرة تفتح مشروع (دى فرص لا تتعدى 5% من اللى بيسافروا)

معلومة عن السفر :: ((12)) طور نفسك فى كل البرامج التى تخص مجال تخصصك لان ليها تأثير على فرصة عملك فى الخارج وبتزود خبرتك

================== ==========

للمزيد من المعلومات المهمة يرجى زيارة هذه المواقع

إعمل كوبي للينك اللي عاوزه لوحده وحطه بيست أعلى النافذة وإضغط إنتر

منتدى محاورات المصريين : ملف كامل شامل عن المعيشة في السعودية

http://www.egyptiantalks.org/invb/index.php?showtopic=54239 ------------------------------ ------------------ ------------

كيفية استخراج الأوراق المطلوبة للعمل بالمملكة العربية السعودية

: http://www.egyptiantalks.org/ invb/ index.php?showtopic=126887 ------------------------------ ------------------- ------------

منتدى ياهو مكتوب : الاجراءات اللازمة للسفر للسعودية +إاستفسارات راغبي السفر http://dvd4arab.maktoob.com/ f600/1425878.html

------------------------------ -------------------- ----------

بحث جوجل

الاجراءات اللازمة للسفر للسعودية

: http://www.google.com.sa/ search?safe=active&biw=1280&bi h =699&q=الاجراءات+اللازمة+للسفر +للسعودية&oq=الاجراءات+اللازمة +للسفر+للسعودية&gs_l=serp.12.. 0i30.1640.1640.0.2690.1.1.0.0. 0.0.329.329.3-1.1.0...0.0...1c .1.12.serp.JZyYYl4r6yo ------------------------------ --------------------- ------

الأوراق المطلوبة للسفر

: http://eltunsi.com/index.php/ docs
------------------------------ ----------------------

موقع وزارة الداخلية المصرية - إصدار وثائق السفر

:http://www.moiegypt.gov.eg/ Arabic/Departments%20Sites/ Immegration/TravellingPapers/ HowtoHavePassport/
=========================== ===

Share this post